購物滿 $300 全港免運費(可寄到順豐提貨點)/ 購買任何 2 件貨品,可享有 95 折

消毒同時兼具照明!?|UVC LED 智能殺箘感應燈|廚櫃,衣櫃,鞋櫃消毒|去除異味!?|用後心得分享

生活百貨分享:第三回

今次主角:UVC LED 智能殺箘感應燈

都係同上次一樣,規格及詳細資料,我唔會係度作深度既介紹,而產品連結會放係下面,有興趣就自己入去了解下啦~

請按此

因為純粹係自己使用後分享文,所以係單純既自我意見.
希望可以幫到大家更可以係使用者方面去了解產品,適合自己與否.

癈話少講,入正題~

都係因為疫情既關係,呢次主角都係消毒系既必要品!
繼上次既UVC LED 牙刷消毒器,最大得著是我身邊人.

而今次我反而有得著啦!(其實我身邊人都有既,不過我就多少少啦!)

UVC LED,亦叫做深紫外線 LED
可以起到以下三方面既消毒及淨味既作用:
  • 物體表面殺菌消毒
  • 水淨化
  • 空氣淨化
因為呢款產品,價錢唔貴,又實用。
所以我就係屋企安裝左三處地方:
廚房灶頭位置 (一支)
鞋櫃 (三支)
衣櫃 (二支)

效果黎講,就鞋櫃同衣櫃就會顯著啲。

廚房灶頭,就可以當燈咁用,因為本身支燈係有埋白光LED燈既。
夜晚,起身偷偷整野食都方便。
用落係感覺係乾淨左,不過實質既乾淨就無野可以顯現出黎。

係雲石邊既玻璃膠,因為香港潮濕既關係,有時 D 邊係會'笠痴痴',用左二星期就無左呢個情況,同埋D黑點霉霉好似少左。

咁重頭戲黎啦~
鞋櫃,白光 LED 就可以幫到大家更容易搵想著既鞋不突止。
可以消毒,感覺好安全,畢竟鞋唔似衫咁,出完街就可以拎去洗。
所以鞋可以話好污糟,同埋係帶菌既好幫手!
用左反而,個鞋櫃真係少左 D 'UP' 味
感覺乾爽左,因為本人屋企唔大,返到屋企習慣第一時間將鞋放入鞋櫃。
呢排落雨後,鞋又 '濕立立',放入鞋櫃,'UP'味可想而知!

用左二星期,明顯鞋味好左好多,又乾爽左。

衣櫃,掂囉~
本人係牛仔褲控,D貴格牛仔褲,其實係唔可以洗。
以前出完街,要噴專用消毒劑,又要晒返一陣,先可以擺番入櫃。
仲少不免有汗味,但又唔捨得洗,更唔捨得唔著。
而家有呢件產品,出完街,就剩係 '浪' 係櫃俾 UVC LED 燈消毒就可以摺番好。
下次拎出黎無汗味又乾爽,正!
仲可以照埋以前唔可以洗既衣物, 名牌 T,皮褸,絲質衫等等。

懶人一大恩物.

我身邊人就話用完後,D 衫無咁易令佢皮膚敏感,
可能真係對皮膚易敏感既人都可以用得到.
今次用左二星期就出到呢篇分享文,原因係分別黎講真係比以往既產品顯著.

因為本人其實以前係從事時裝衣服,所以比較上會留意呢點.

安裝其實容易,因為 UVC LED 燈唔重,你未必需要鑽孔安裝.
可以用跟原裝既 3M 貼紙就可以完成安裝.
不過留意方向及預留空位, 俾充電部份可以 '退' 出黎.

如果唔係就下下需要拆晒成支燈出黎.

USB 差電,係好既,我用左二星期都未需要再充電

長持續力,燈身上有指示燈話你知電量,都設計細心.

UVC 燈係會損害皮膚及眼睛,所以駛用時要留意.
不過呢樣產品都好智能,感應 3米 以內有人靠近,產品會自動熄 UVC 轉開白燈。

感應有人離開就會開返 UVC,60秒 就完成整個消毒程序,呢樣係抵讚。

希望呢篇分享文幫到大家啦~
大家期待下,小編既下一篇既分享文。
多謝~