樂范 3D 揉捏按摩披肩 LF-AP017｜使用心得分享

生活百貨分享 : 第 17 回

今次主角: 小米有品 樂范 3D 揉捏按摩披肩 LF-AP017

產品連結：請按此

因為純粹係自己使用後分享文，所以係單純既自我意見。

希望可以幫到大家更可以係使用者方面去了解產品，適合自己與否。

今次使用者為本人及身邊人，所以我可以分享多啲個人心得啦！

是次主角，我使用左七天，以下係我小小分享。 

我諗大家都可能有以下呢個問題，肩頸膊痛，我可以話係十個九個都有。

後生打工時，不良姿勢，桌椅高度不一致，導致我個時搞到條頸好影攰，加上而家㩒電話，都會加劇肩緊膊痛。

之往唯一應對方法，就係出去按摩.，但係疫情關係，我同身邊人都無再出去按摩，所以今次試下呢部新機。

講真，按摩椅其實按肩，因為物理角度，一來按既位置未必施力正確，二來未必能有效地調整左右某一邊要加大力度。

新機都靚仔有型，易於收納，都係合格既指標。唔駛擔心施力不均勻，因為由自己全憑調整，例如我右肩成日比左肩酸痛，所以我右手　handle 位會俾大力少少，有助按摩到其酸痛根源。

夾按式按摩，呢樣堅係到位，因為夾按式覆蓋按摩範圍更廣，所以由頸椎兩邊肌肉及肩胛骨上方既肌肉，都有效到按摩舒緩到。

按摩力有三段，其實我開到二段，再配合 handle 俾力，已夠好到位又夠力，所以應該更可應付鐵石肩既朋友仔。

熱敷模式，可能廠方採用既布料厚實。開啟熱敷模式時，每按一下熱力一陣陣傳遞，更有效舒緩崩緊肌肉，估唔到我會愛上呢次主角既熱敷模式。

一機多用，官方說明可以用於肩頸，腰背及小腿，但小腿夠力到位，需要一隻隻咁按，唔多夠喉，而腰背就對本人骨精黎講就差少少啦。