購物滿 $300 全港免運費(可寄到順豐提貨點)/ 購買任何 2 件貨品,可享有 95 折

日本品牌Dretec|PW-100 攜帶型清洗器|使用心得分享

生活百貨分享 : 第 15 回

今次主角:日本品牌Dretec|PW-100 攜帶型清洗器

產品連結:請按此

呢次主角其實都關係到疫情嘅,而今次使用咗幾次, 分別同屋企人出街及同朋友仔行山。

屋企人出街, 咁呢次同阿哥阿嫂同侄仔出街飲茶, 呢款可以當做 bb 用清潔器,事先就裝好嬰兒清潔劑(已稀釋),咁阿哥同阿嫂都是用過,喺初生嬰兒換片時都有用同方便。

因為有時出街換片,其實好多時需要清潔嬰兒 Pat Pat,如遇到 bb大便清潔又要帶私家墊,抹既時候為免商場嘅育兒室污糟,會一人抱 bb 一人負責清潔,不停倒清潔劑落紙巾或綿花到咁抹, 唔乾淨之餘仲會搞到「呢咁 Hea」

自從用咗呢個產品都覺得幾好, 只需一人抱起 bb 於洗水盆上,另一人則用這款產品朝 Pat Pat 噴清潔劑,便可有效沖走便便或污糟物,方便快捷。用弱出力 bb 都冇喊!掂!如果外出時裝酒精更可以隨時隨地幫屋企人清潔雙手.

而同朋友仔行山,我哋就裝咗次氯酸水及清水,疫情關係少咗出街食飯需求,反而多咗同朋友仔行山嘅活動,少不免就野餐,多數我負責帶生果,貪唔使點準備.

不過食前都需要洗一洗,呢個時候用呢款產品就 Perfect 喇!用次氯酸水可以消毒及清潔食物安全又健康。(可以睇下我哋網頁上嘅次氯酸水機了解返)

 

咁多次同朋友行山,有朋友仔帶狗狗出嚟,仲要定時清潔狗狗腳仔,帶呢一款產品就可以隨時隨地清潔,食完嘢大家又可以洗手。

呢款產品最啱大圍用,出街作用大,喺屋企都可以擺喺門口,返屋企前就可以噴下鞋底,都幾方便。

特點:

140 ml 容量, 都可以夠洗 3 ~ 4 次手(強出力) 

可裝酒精,次氯酸水或其他清潔用品

方便攜帶有需要先伸噴管出嚟

bb 護理及老人家都必用

出力有強弱分別,可按需要調節

 

希望今次嘅分享可以幫到大家啦!