德國寶｜移動浴室寶 HTW-220｜使用心得分享

生活百貨分享：第 12 回

今次分享主角：德國寶 移動浴室寶 HTW-220 

產品連結：請按此

今次呢款產品，實際不是我應用。是我的姪仔使用。 見證使用時間約兩個禮拜。

都係關於抗疫事嘅，因為阿哥及阿嫂本身住嘅地方，有懷疑個案。為免有任何事發生，佢哋決定搬過嚟我度暫住。

所以一家三口，加埋我及身邊人。共五人，一齊見證左＂廚房大佬＂產品嘅威力。

由於姪仔只有一歲大左右。所以沐浴嘅問題，需要大人幫忙沖涼清潔所以並不能在我屋企既狹小洗手間浴室裏面進行，所以要拎個大盤喺廳度進行沖涼嘅儀式。

加上香港呢排天氣就稍涼，所以需要一個暖爐作為沖涼必備之物，由於阿哥阿嫂係冇準備呢類型產品，而身為細佬嘅我，只好提供。

今次呢款產品，用咗兩個禮拜。以下係我少少個人嘅感想。

佢體積尚算細部，但係估唔到佢加熱既速度係咁快嘅，大概係只需用 30 秒就開始出到一個穩定嘅熱風。唔需要好似以往傳統嘅暖氣機需要可能預熱大概 3 分鐘 至 5 分鐘，先可以有穩定嘅暖。

所以尤其幫 BB 沖涼嘅時候，唔需要再預時間預熱，更加唔使怕沖涼水變凍，免卻暖風機先行等等麻煩程序，更加唔會揦手唔成勢！

出熱風有兩種模式，弱暖風及強暖風，一般類似呢啲時節，弱暖風亦夠用，覆蓋嘅範圍大概有1 米至 1.5 米。如果係密室空間，大概百零至二百尺都可以覆蓋到。

最正係，呢部機係可以掛柱，或者係平放任何平面嘅地方。因應你個人需要而作出調節。而部機重量大概係 2 Kg。晾衫架及晾布架亦都可以承受到呢個重量，加上佢亦有跟機包既活動掛勾，大部份既架都掛到，包埋另一個上牆架，咁就可以方便大部份人既需要。

本身部機下方，可以加個銀扣，可用作烘乾衣物之用，暖風之餘，仲可以烘乾衣物。其實都係幾貼心方便。

最驚喜係，由於亞姪仔喺廳中沐浴，咁細個人仔沖涼當然會有水花，少不免亦都會濺濕機身， 可能廠商細心設計，呢部機本身有防水 IP 23 認證，所以濺濕機身，完全唔駛驚整壞，呢點加分！

另外亦有附送遙控，令到阿哥阿嫂幫姪仔沖涼之餘，唔需要下下行去部機作調教，只需要遠距離用遙控作調節。其實呢一點真係幾方便。

由於我見證到德國寶細心及價格比之作. 誠意推介比有小朋友，亦怕凍嘅朋友可以試吓用呢部機，去代替以往傳統嘅暖風機，相信你會有更驚喜嘅體驗。

題外話，呢部機亦都有涼風嘅選項，若然有陣時需要陰乾衣物，可以一用，另外亦有隔塵網，某程度上可以作出空氣清新之用。

當然呢款產品，現歸編我阿哥所有，但身邊人反映，唔排除會再開多部俾自己用. 因為佢話呢部機既暖風，溫暖得黎，唔會似傳統機嘅暖風咁乾燥，所以佢感覺冇咁傷皮膚喎！

希望呢篇分享文可以幫到你哋啦！