購物滿 $300 全港免運費(可寄到順豐提貨點)/ 購買任何 2 件貨品,可享有 95 折

德國寶|光速氣炸鍋 CKF-110|使用心得分享

生活百貨分享 : 第 13 回

今次主角:德國寶 光速氣炸鍋 CKF-110

產品連結:請按此

因為純粹係自己使用後分享文,所以係單純既自我意見,希望可以幫到大家更可以係使用者方面去了解產品,適合自己與否。 

都係疫情原因,晚餐宜家大部份時間都係屋企食,因為嗌外賣隨時等更耐,出去買外賣都仲麻煩及耗時。

氣炸鍋由前年開始,韓國興起,轉而流行到全球.。而我既身邊人,偽韓妹當然唔會放過韓化既機會啦!

氣炸鍋作制造出的炸物料理,比傳統既炸品用更少油及釋放更少致癌物,固亦為受眾人追捧。

其實之前用過韓國某個細品牌出既氣炸鍋,容量細之餘,受熱程度及熱力調控亦有限。

所以身邊人就以試食為由,進而有咗呢個開箱文。

是次主角用左一個月左右,由第三次後,變左本人操刀,強逼變韓仔。

Config 我就唔多講,剩係講我既使用心得及感覺,其實呢款型號推出超過一年,但亦令到我覺得有驚艷之處。

配件多,使用上黎較同類產品靈活實用,淨係個加高圈架,由 4.5 L 加大至 7 L 已經可以放到原隻雞去做料理。完全大羊架,牛 / 豬肋 都唔須要預先切開,都可以擺到。完全係重中之重。

另外有網架及高低架。因應菜式不用而配搭選用。

貼心易用,鍋身本身上面已印有數種常用菜式之說明(蛋糕,肉類,薯條等六種選項,連新手既我都可以輕鬆去做個菜式,廠方更好細心咁係說明書上印有多種菜式應選用邊種配件及溫度時間既說明,另外玻璃蓋面可以更容易觀察到料理既進度,方便你中途加工就好似燒春雞到臨尾幾分鐘先再加入芝士,更香口及更易做到芝士絲既效果,另外亦有解凍及蛋糕既功能,有興趣可以鑽研。

易清洗及處理,個發熱鍋既部份可以單獨拆開並清洗,本身已有易潔塗層,所以清洗時堅容易,果然係廚房大佬!當然另外既配件 (高低架,網架,加高圈),都算易清潔。 

另外 Pizza 及 炸雞翼等食材,本人於"宜家"購買左好多以焗爐用既加工食材,一部機解凍連料理都搞掂埋,真係正到唔願出街食咯!

要點:

  1. 更懶既朋友,可以於發熱鍋上先放好錫紙做底,另外網架上放吸油紙,咁樣炸完料理,清潔係超易,十分鐘都唔駛.
  1. 發熱鍋清潔記得唔好用鋼絲刷去清潔,因為鋼絲刷會刷走易潔及保溫塗層. 
  1. 整燒春雞及羊架等比較大型既食物,最好用噴壺裝油,均勻咁噴 2~3 下,外皮會更香更脆.

可以屋企咁享受 炸物 烤雞,堅係正! 希望今次分享文幫到大家啦!