購物滿 $300 全港免運費(可寄到順豐提貨點)/ 購買任何 2 件貨品,可享有 95 折

小米有品|紅米 MDZ-34-DA 電視條形音箱|使用心得分享

生活百貨分享第 8 回

今次主角:紅米MDZ-34-DA電視條形音箱

產品連結:請按此

相信大家抗疫期間, 留喺屋企嘅時間會好多, 而喺屋企嘅娛樂, 都係不外乎打機,煲劇,睇片等等。 而小編我同大家一樣, 都係留喺屋企打機睇片居多。 而今次介紹嘅呢款主角係比較少見嘅掛牆式speaker, 價錢仲要幾抵,$399 買個有牌子嘅便攜式 speaker 都要啦!



事源,點解要試呢款 speaker, 因為大部分香港人屋企都細, 本人亦都唔例外。 講真買個大牌子,價錢又貴又要搵位擺, 擺耐咗個 design 有可能會 out, 之後又唔想放出嚟,變相唔實用又要搵地方擺。

小編我用 Android TV, 可以好薄咁掛牆, 因為地方細到擺唔到電視櫃, 正正因為咁,本身電視音響效能方面, 已經因為體積大打折扣,而重低音更加係呈現唔到,而「又」因為呢個原因, 當往往電影呈現震撼畫面時, 習慣用重低音來鋪陳, 喺呢個時候, 角色對話音色往往變得細和輕,打機就更加唔洗講.



而想聽 youtube 等等, 淨係開電話又太細聲,加上音色係差到無倫嘅,你有冇理由好麻煩咁開電視嘅 youtube, 唔方便不特止,啲廣告多到呢!又唔可以話飛就算,聽音樂都煩。

考慮過裝部有 submoofer 嘅典型 Speaker, 但由於地方太細,置位麻煩,用途只有電視機所以果斷放棄!!

由於以上情況小編單方面決定要使用今次主角



裝咗十日,身邊人由第二日開始使用率已經遠超身為始作俑者嘅我啦!

點解?

因為佢可以喺屋企開電話連今集主角, 隨時 Switch 歌, 一路聽歌一路做其他嘢,部嘢聲又唔差,點解唔差? 因為部嘢細得來係有風管式,冇錯係風管式,可以好似典型Submoofer 咁創造豐富嘅重低音,聽歌又得,電影都得呀!

正正因為裝上電視機下面嘅牆身,所以重低音好易散發,坐正喺電視機前堅有電影院 Feel。 再唔會好似以前咁,低音下角色對話音色會鬆散,電影享受遠勝從前。



今次主角仲係用藍牙 5.0, 傳輸同連接都好快同穩定,連部手機,去埋廚房一路煮嘢一路聽歌,完全零延遲冇斷過咁濟,隨時連接任何裝置都得。

特點:

安裝都算容易,不過因為畢竟specker有風管, 有一定重量所以要鑽上牆身會穩陣好多。

Specker 得面有個 Control, 不過除咗連接藍牙時會用到之外,縱然有大細聲等按鈕其實都冇乜用途, 因為可以由連接嘅機器去做調整。

有線連接就差啲,因為只有 S/PDIF 同 AUX,但畢竟喺電子時代下,其實好少用到有線連接,對小編而言單係藍牙連接都夠用了。

希望今次分享文幫到大家!