小米有品｜摩摩噠腿膝足按摩器 SX383｜使用心得分享

生活百貨分享 : 第 10 回

今次主角：小米有品摩摩噠腿膝足按摩器

產品連結：請按此

今次主角摩摩噠腿膝足按摩器

今次使用者為本人及身邊人，今次到我可以分享多啲個人心得啦！

由於本人有O型腳及輕度扁本足

O型腳，令到我腳關節成日會發出‘喀喀’聲不特止，仲會天時一濕，會容易乏力酸軟，要定期熱敷去舒緩，尤其訓完覺起身更嚴重．

邊個會朝早下下花時間煲水再熱敷吖！？

而扁平足就好易攰，行二個鐘頭街，就好想搵地方休息，令我都幾困擾！而疫情底下，更唔駛諗出去按摩．

而按摩椅更加做唔到按摩及熱敷膝頭哥，仲要花二十分鐘乜都唔做得，唔可以隨時停，都幾唔方便。

是次主角，我使用左11日，以下係我小小分享。

部機細部，超易收藏，隨時可以拎出黎又收埋，屋企‘看’下門口又唔阻‘掟’。

唔駛擔心唔岩自己腳型，因為氣囊原埋按摩，所以一定會貼合大家既腳型，從而有最佳既按摩體驗。

續航力係抵讚既！120 分鐘其實等於可以用 5 ～ 6 日，而我呢種高度使用者，早晚各一次 15 分鐘，都可以 Last 到 3 日充一次電。

膝蓋按摩，呢樣係重中之重！事關我極度需要駛用呢項按摩，配合熱敷可以說係無敵！

膝頭哥按摩，感覺係按肌肉去令其行氣活血，力度適中，熱感舒暢。呢項力度我只開到一檔已經好好 Feel。所以未駛挑戰最大力度。15 分鐘按摩完，膝頭哥係感覺鬆晒！ 大家可以買黎俾家中長輩試用～ 

腿及足部按摩，就足部而言，我乃屬按腳之達人，就覺得最大力度岩岩好，而腿部按摩，不過不失，抵讚係當你按緊大腿時，部機可以放電話或 iPad 睇戲，簡直一絕！

三層力度，四種模式，以咁細部機黎講，已經好夠用。分別係 ‘自動’ ， ‘足部’， ‘腿部’ 及 ‘膝部’ 。專業分類，針對部位優化按摩。

5 秒已感到熱力， 2 分鐘可以到達並維持 50 度，算係快 ！ 已氣囊片全打開，熱感更穩定及覆蓋區域更大更飽滿，熱敷膝頭哥超正！

無線遙控，可以磁吸方法，附於機身側面，唔駛再諗點收納，細心抵讚！身邊人則力讚小腿按摩，可以去水腫，而我本人向來手腳修長，未能証實XD，大家可以一試。

希望是次分享到大家啦～